كل بحر وله مواني وكل مرسى له سفينه
وكل حب وله حبيبه وكل موجة وليها شط
وانا عشتك يا حبيبتى عشت حضنك فى كل شط
حضنت فيكى رملة ناعمة وشمس سمرة وجسم دافى
حضنت منك عين جريئة وايد رقيقة ونسمة طايرة
وشفت فكيى حب جارف حب اقوى من العواطف
حب رغبة ومن عنيكى ضعفت وضعت
ايوة ضعت فى حضن دافى وعين تسهر بالليالى
ايوة تهت فى جسم نارى ميطفهوش موج البحارى
حاولت ادارى لكن نارى كانت اقوى من اى انتحارى
ونسينا روحنا على رملة باردة وجسم دافى
ولما فوقنا لقينا روحنا فوق الرمال
كان لازم امشى واروح بنفسى على شط تانى
على شط تانى ورملة تانية وحضن تانى
و كل مرسى ولية سفينة وكل موجة وليها شط
وانا قلبى فى كل مرسى مش عارف يوصل لشط
كل مرة بشوف عيونك بشوف جنونك فى واحدة تانية
فى كل رحلة بنشد سبيلك بهوى الطريق الى اى مينا
ساعات بحس انك معايا وتسبينى فى اى شط
بتسبينى وعارفة دايما انى لازم ارجع لشطك
شطك انتى شط حبك يا حبيبتى مش اى شط
ساعتها بس بنسى حالى وارسل امانى للبحر
يمكن فى رحلة تانية الاقى روحك الاقى شعرك على اى شط
samirali
الاشتراك في:
تعليقات الرسالة (Atom)
ليست هناك تعليقات:
إرسال تعليق